Ավստրալական «Walk Free Foundation» հիմնադրամի կողմից առաջին անգամ պատրաստվել է մի զեկույց, որը վերաբերվում է աշխարհում դեռևս գոյություն ունեցող ստրկատիրական կարգերին ու մարդկանց առևտրին: 162 երկրներում անցկացված հետազոտության տվյալների համաձայն՝ ստրկության ինդեքսը ամենաբարձր ցուցանիշն ունի Մավրիտանիայում, որտեղ ստրկության ավանդույթները խորը արմատներ ունեն և փոխանցվում են հորից որդուն: Այս ցուցակում երկրորդ տեղում գտնվում է Հայիթին, իսկ երրորդը Պակիստանն է: Ինչ վերաբերվում է Թուրքիային, ապա այս երկիրը 90-րդն է: Ըստ վիճակագրական տվյալների՝ Թուրքիայում մոտ 110-130 հազար մարդ ապրում է որպես ստրուկ: «Ռադիկալը» գրում է, որ հիմնադրամի հրապարակման համաձայն՝ ստրկությունը ժամանակակից մեկնաբանությամբ նշանակում է մեկին ստիպողաբար ամուսնացնել, մեկին պարտք տալու միջոցով դարձնել քեզնից կախյալ, ինչպես նաև վաճառել մարդկանց: Թվային տեսանկյունից ամենաշատը ստրուկներ կան 14 միլիոնանոց Հնդկաստանում: Սակայն այս երկիրը ցուցակի 4-րդ հորիզոնականում է, քանի որ բնակչության խտության առումով Մավրիտանիայում երկրի բնակչության մեկ չորրորդն է դատապարտված ստրկության: Իսկ ընդհանուր առմամբ աշխարհում 29 միլիոն 8 հազար մարդ ապրում է իրավազուրկ վիճակում: