ես շոկի մեջ եմ։ Մարդ ով հավակնում է բոլորին դաս տալ, չի տիրապետում 2-րդ դասարանի մակարդակի ուղղագրությանը։ Մի կողմ եմ թողնում այն զվարճալի հանգամանքը, որ իմ հրաժարականը պահանջում են տրանսլիտով՝ անգլերեն տառերով ու «քափս լոքով»։ Նման անգրագետ տեքստի հազվադեպ եմ հանդիպում, ուստի
փորձեմ նախ լրացնել Սուրեն Թադևոսյանի միջնակարգ կրթության բացը.
1. ոչ թե «ոչմեկ», այլ՝ ոչոք։
2. ոչ թե «հետյորդ», այլ հետիոտն
3. ոչ թե «ոստիկանապետյան», այլ՝ ոստիկնապետի
4. ոչ թե «խորհդատու», այլ խորհրդական
5. ոչ թե «ռեժիսյոր», այլ ռեժիսոր
6. ոչ թե «հույսով եմ», այլ հուսով եմ
7. օժանդակ բայը միշտ առանձին է գրվում
այս կանոնները տարածվում են բոլորի վրա (նույնիսկ սպորտային BMW–ների տերերի)
Ցավոք, հնարավորություն և ժամանակ չունեմ Թադևոսյանի դաստիարակության պակասը լրացնելու։
Չեմ պահանջում, հորդորում եմ մարդկանց դասեր տալուց առաջ գոնե մայրենի լեզվի տարրական մակարդակ ապահովել, որովհետև դժվարանում եմ հիերոգլիֆներ վերծանել։
Ինչ վերաբերվում է խախտման տեսագրությանը՝ այն անպայման կհրապարակվի։
Նորից եմ կրկնում, բոլոր նրանց համար ովքեր զրահագնացքի մեջ են՝ որպես սեփականություն հանդիսացող ավտոմեքենայի մակնիշը, արժեքը և այլն չեն ազատում պատասխանատվությունից։ Բնականաբար ոչ էլ առաջացնում են պատասխանատվություն։
Մի քիչ ուշացումով, բայց կարծում եմ հասկացաք։