Չնեք սատարում բայց մասնակցում ենք
«Ազատ դեմոկրատներ կուսակցության վարչությունը հայտարարում է, որ առաջադրված թեկնածուներից որևէ մեկին չի սատարելու:
Միևնույն ժամանակ, դեմ լինելով քաղաքական գործընթացները բոյկոտելու մոտեցմանը, կոչ ենք անում մեր կուսակցության անդամներին և համակիրներին ակտիվորեն մասնակցել փետրվարի 18-ին կայանալիք նախագահի ընտրություններին և քվեարկել ընդդիմադիր թեկնածուների օգտին»,- կարդում ենք Ազատ դեմոկրատենր կաուսակցության հայտարարության մեջ:
Նմանատիպ հայտարարություններ դեռ կլսենք ու արդեն լսել ենք: Հիշեցնեմ, որ չմասնակցելու մասին հայտարարեցին ՀԱԿ, ԲՀԿ և ՀՅԴ քաղաքական ուժերը, իսկ չսատարելու մասին մինչ այս հայտարարել էր ԲՀԿ-ն: Փաստորեն ԲՀԿ-ին միացավ Ազատ դեմոկրատներ կուսակցությունը: Ինչևէ: Առանց այս ուժերի էլ ընտրությունները կայանալու են, առանց այս ուժերի հայտարարությունների էլ ընտրություններին մասնակցելու են այս ուժերի անդամներն ու համակիրները և ընտրելու են: Ի վերջո բոլոր այն ուժերը որոնք հայտարարում են իրենց չմասնակցության մասին, ամեն դեպքում դա չի ենթադրում, որ այդ ուժի ներկայացուցիչներն ու ղեկավարները չեն մասնակցելու ընտրություններին ու չեն քվեարկելու իրենց սրտի ու խղճի կամոք:
Որպես քաղաքացի յուրաքանչյուրս պարտավոր ենք մասնակցել սահմանադրորեն ամրագրված մեր իրավունքի իրացմանը:
Շատ է խոսվում, որ ԲՀԿ այս կամ այն ներկայացուցիչը հայտարարել է, որ ընտրություններին սատարելու է Սերժ Սարգսյանին, դա իր իրավունքն է, իր քաղաքացիական կամքը, ի վերջո կուսակցությունը նրա համար է որ կազմակերպի իր համակիրներին ընտրությունների մասնակցության առումով, սակայն եթե չի կազմակերպում այդ ուժը, կազմակերպում է մյուսը, կամ ինքնակազմակերպվում են ընտրողները: Այնպես որ սատարել-չստարելու հայտարարությունները պարզապես ձևայնացնում են քաղաքական ուժի վերաբերմունքը, ոչ ավելին… Իրականությունը քվեարկության արդյունքներից հետո է պարզ լինում: Շատ հետաքրքիր է, վերոնշյալ կուսակցությունների ղեկավարները ո՞ւմ օգտին են քվեարկելու…
Բոլոր քաղաքական ուժերին և թեկնածուներին մաղթում եմ հաջողություններ ու համախմբվածություն:
