Երբ France24-ին տված հարցազրույցում ԱՀ արտգործ նախարար Կարեն Միրզոյանն իրեն տրված՝ Արցախը Ադրբեջանին միացնելու հարցին պատասխանել է «կան որոշ հեռանկարներ, կան որոշ հույսեր», բնականաբար այն պետք է ընկալել որպես թյուրիմացություն, ինչը ապացուցում է «հույս» բառը, քանի որ այդպիսի հույսի մասին կարող է խոսել միայն Ադրբեջանի ներկայացուցիչը. չէ՞ որ հույսը դրական իմաստ ունի, իսկ անհնար է պատկերացնել որևէ արցախցի, ով Ադրբեջանին միանալու մասին հույսեր փայփայի: Այստեղից ենթադրվում է, որ Միրզոյանի այդ պատասխանը հակամարտության լուծմանն էր վերաբերում:
Այնուամենայնիվ, զարմանալի է, որ Միրզոյանի նման պրոֆեսիոնալ դիվանագետը հարցը ճիշտ չէ ընկալում ու նմանատիպ թյուրիմացություն է թույլ տալիս:
