Ինձ մոտ տպավորություն է, որ մեր շոուբիզնեսի աստղերը, շոուբիզնեսի «կարկառուն» դեմքերը կարծես այս երկրից չլինեն, անհաղորդ են երկրում ընթացող գործընթացներից, պրոբլեմներից…
Նրանցից մի երկուսի մասին հիշում ենք իշխանություններին քննադատող մի երկու-երեք տողանոց գրառումներով, մյուսներին իրենց անձնական կյանքի, վարքագծի, անկողնում, լողասենյակում կամ զուգարանում անցկացրած «հետաքրքիր» լուրերով…
Արմավիրի մարզի կարկտահարումից տուժած գյուղացիներին հատկացվող օգնության հետ կապված, կարծես թե մի փոքր տեղաշարժ նկատվեց, մի քանի գործարարներ, պաշտոնյաներ գումարներ փոխանցեցին, որը ներկայումս նույնիսկ 40 միլիոնի չի հասնում…Ընդ որում, զարմանալի է, բայց փաստ, որ այդ հավաքված գումարի կեսից ավելին փոխանցել են ՀՀ ոստիկանության աշխատակիցները: Գործարարներ, բարձր պաշտոններ զբաղեցնող այրեր, պատգամավորներ, նաեւ հատկապես քաղաքական-հասարակական կազմակերպություններ, քաղաքական գործիչներ ձեր խոսքը ասեք' գյուղացին սպասում է ձեզ… Այլապես տպավորություն է, որ դուք ձեր առաքելությունը տեսնում եք միայն գործող իշխանությունների վրա ցեխ շպրտելու, քննադատելու մեջ:
Լավ, իսկ ուր են նաև մեր շոուբիզնեսի աստղ-աստղիկները…
Երբ նայում ենք ձեր վարած մեքենաներին, տեսնում ձեր բնակ-կենցաղային պայմանները, բրենդային հագուստները, լսում ձեր բիզնեսների մասին, հիշում հարսանիքների, քեֆերի, միջոցառումների ժամանակ ձեր վաստակած «կատաղած» գումարները, զարմանում ենք ձեր իներտության եւ անտարբերության վրա:
Առանձին-առանձին չեք «կարողանում», գոնե հավաքվեք իրար գլխի, բարեգործական համերգներ, միջոցառումներ կազմակերպեք…Թե չէ «խուճուճ-խուճուճ» իշխանություններին քննադատելով չի, գործ արեք…Առանց այդ էլ մի բարձրարժեք արվեստ չեք քարոզում…Մի մոռացեք որ այդ հավաքված գումարը ձեզանից շատերի հարսանիքներին երգած 30-40 երգերի գումարի չափ է…
Լավ եղեք, բարգավաճեք…