Իրոք տարօրինակ է: Երկրում տեղի է ունեցել աննախադեպ կոռուպցիոն սկանդալ: Որքան էլ Հայաստանում մշտապես խոսացվել է բարձրաստիճան պաշտոնյաների փչացաշության մասին (իսկ կոռուպցիա բառացիորեն նշանակում է ոչ այլ ինչ քան փչացածություն), բայց կարծես չեմ հիշում, որպեսզի որեւէ մեկը նրանցից այդքան անհերքելի կերպով բռնվեր ինչպես մեր հարգարժան վարչապետը: Բայց արի ու տես, որ այս թեման սպասվածից շատ ավելի թույլ արձագանք է գտնում ե՛ւ մամուլում (այն նույն մամուլում, որտեղ օրեկան 24 ժամ սիրում են դատապարտել կոռուպցիան), ե՛ւ ֆեյսբուքի թոփ ստատուսներ գրողների էջերում: Գուցե ասեք, որ կան առարկայական պատճառներ: Գուցե: Բայց ամեն դեպքում տարօրինակ է մնում այս կրավորականությունը, այն դեպքւոմ, երբ տասնապատի ավելի պակաս կարեւոր թեմաների շուրջ փոթորիկներ են լինում մամուլոիմ եւ ֆեյսում: Ընդ որում ֆեյբուքյան առաջատարները միշտ զարմանալիորեն համաժամանակյա կերպով՝ սինխրոն գործում են մամուլի առաջատարների հետ՝ նույն թեմաները, նույն շեշտադրումները, նույն պաթոսը: Նույնը, թվում է թե այս թեմայի շուրջ է, միայն թե մինուս նշանով՝ աղմուկ չկա: Միգուցե որովհետեւ սա եզակի իրոք շոշափելի եւ կոնկրետ թեմաների՞ց է, այլ ոչ թե գյալաջու առիթ:
