Քիչ առաջ կարդացի. ,, Զալինյանին իր պաշտոններից ԼՂՀ-ում հեռացրել են կաշառակերության, առանձնակի մեծ չափերի գումարներ շորթելու պատճառով, ինչի համար էլ նա դժգոհ է ներկա իշխանություններից: Հնարավոր է, որ հենց ինքն է խորհուրդ տվել Սեդրակյանին սպանություն կազմակերպել Պ. Հայրիկյանի նկատմամբ՝ ընտրությունները հետաձգելու համար և դրանով ծանր դրության մեջ դնելով Հայաստանի իշխանական վերնախավին,,:
Երբ ողջ ընտրարշավի ընթացքում ես գրում էի այն մասին, որ էպոսագետ ներկայացող Սեդրակյան Վարդանին ուղղորդում են որոշակի ուժեր' նրա միջոցով իշխանության մեջ լծակներ ձեռք բերելու, իրենց բիզնես շահերն առաջ մղելու, Հայաստանում հանցագործների տիրապետությունն ընդլայնելու համար, ոմանց թվում էր, թե ես մտացածին բաներ եմ ասում... Մինչդեռ օրավուր բացահայտվում է այն շրջանակը, որն էլ առաջ էր տարել Սեդրակյանին: Իսկ այդ շրջանակը գլխավորապես ձևավորել էին բանակից հեռացված, բանակի ունեցվածքը վաճառքի հանած մի խումբ բարձրաստիճան զինվորականներ: Հետևաբար, Սեդրակյանին ԱԱԾ մեկուսարան տանելու գլխավոր պատճառներից մեկը ոչ այնքան Հայրիկյանի դեմ կատարված մահափորձն է, այլ, համոզված եմ, ԱԱԾ-ն բացահայտել է այդ սուտ էպոսագետի միջոցով ռազմական հեղաշրջում կատարելու հանգամանքներ: Հիմա ևս մի ուղղորդում. Սեդրակյանի թիկունքին կանգնել են նաև արտերկրի որոշ աղանդավորական ուժեր...