«Մեկ Հայաստան» կուսակցության նախագահ Արթուր Ղազինյանը գրել է. «Հայաստանում իշխանության բարձր դիրքեր ստացած նախկին փողոցային ակտիվիստները փորձեր են անում ՀՀ ՊՆ և Գլխավոր շտաբի արձանագրած ռազմական հաջողությունները վերագրել իրենց քաղաքական ղեկավարությանը:

Չեմ զարմանա, եթե պարզվի, որ ՀՀ ԱԺ-ում, ինչպես նաև կառավարությունում չգիտեն, որ ՀՀ վարչապետը ոչ պատերազմական վիճակում որևէ կապ չունի ՀՀ զինված ուժերի հետ, չի ղեկավարում ՀՀ զինված ուժերը և որևէ օպերացիա իրականացնելիս ՀՀ զինված ուժերը չունեն որևէ պարտավորություն այդ մասին զեկուցել ՀՀ վարչապետին:

Այլ խոսքերով ասած՝ նա չի հանդիսանում ՀՀ զինված ուժերի գլխավոր հրամանատար, և որևէ մասնակցություն և առնչություն չէր կարող ունենալ ՀՀ զինված ուժերի հաղթանակների հետ:

Վերջին ռազմական հաջողությունների համար մեր ժողովուրդը պարտական ու երախտապարտ է նախ և առաջ մեր զինվորներին, ապա ՀՀ ՊՆ Դավիթ Տոնոյանին, ՀՀ ՊՆ ԳՇ Օնիկ Գասպարյանին և իհարկե, երրորդ բանակային կորպուսի հրամանատար, գեներալ Գրիգորի Խաչատուրովին: Հ. Գ. Իսկ մայիսին ապրիլյանին մասնակցած նախկին թերթի խմբագիր-պատգամավորի նկարի վրա քիչ առաջ կանաչ ճանճեր էին հավաքվել, շատ տհաճ հոտ էր ընկել իմ տարածքում, երևի էդ հոտի վրա էին եկել:

Հեռացրեցի, որ օդը մաքրվի...»: