ԱԺ «Իմ քայլը» խմբակցության պատգամավոր Հայկ Կոնջորյանը ֆեյսբուքյան իր էջում գրել է. «Սկզբից գարշահոտ ստերով լցնում եք դաշտը՝ իշխանությանը հարվածելու համար, հետո կես քայլից ձեր սուտը բռնվում է, հետո մարդիկ սկսում են ձեզ թուքումուր տալ, հետո ասում եք՝ իշխանությունը բռնության քարոզ է անում, իշխանությունը հետապնդում է մեզ։ Այնինչ, ձեզ հետապնդում է ձեր սեփական տգիտությունը, կես քայլ հաշվարկելու անկարողությունը, խրոնիկական անազնվությունը։ Իսկ տգիտությունն ամենամեծ բռնությունն է մարդկային մտքի հանդեպ։ Հետևաբար՝ դուք բռնության եք ենթարկվում սեփական տգիտության կողմից։ Ավելին՝ ձեր տգիտությամբ բռնության եք ենթարկում հանրային գիտակցությունը։ Եվ ուրեմն, ձեր տգիտությունը ոչ միայն անձնական ողբերգություն է, այլև՝ հանրային սպառնալիք»: