Շատերն են չափազանցնում և դրամատիկացնում այսօրվա նախագիծը: Այս մասին իր ֆեյսբուքյան էջում գրել է ՀՀ վարչապետ Նիկոլ Փաշինյանի  դուստրը` Մարիամ Փաշինյանը` անդրադառնալով ՀՀ քաղաքացիներին տեղորոշելու վերաբերյալ նախագծին:

 

«Մեր անձնական տվյալները օգտագործվում են թե facebook-ում, instagram-ում, viber-ում և գրեթե բոլոր սոցիալական հարթակներում որտեղ մենք գրանցում ենք անձնական տվյալներ, թողնում էլեկտրոնային հասցե, անուն ազգանուն, կամ հեռախոսահամար: Երբ խոսում եմնք գաղտնիության մասին, արդյոք մենք կարդում ենք բոլոր սոցիալական ցանցերի privacy policy-ները, որտեղ թողնում ենք մեր անձնական տվյալները: Երևի շատ քչերն են անում, բայց շատերն են չափազանցնում և դրամատիկացնում այսօրվա նախագիծը:

 

Հեռախոսազանգերի միջոցով քաղաքացիները շարժը հետևելու միակ նպատակը կորոնավիրուսով վարակված քաղաքացիների շփումները շրջանակը պարզելն է և հետևաբար կորոնավիրուսի տարածման ռիսկերը նվազեցնելը: Խոսքը վերաբերվում է համաշխարհային պանդեմիային և մարդկային կյանքեր փրկելուն:

 

Նորից փայլուն առիթ դիվիդենտներ շահելու համար»,- գրել է նա:

Ապա, կարճ ժամանակ անց, Մարիամ Փաշինյանը մեկ այլ գրառում էլ է կատարել․

 
 

«Տվյալ իրավիճակում, փաստացի կան մարդիկ ում սոցիալական, տնտեսական կամ առողջապահական դրությունը չի վնասվելու: Այս մարդիկ ոչ խոցելի խմբին պատկանող մարդիկ են, ովքեր չեն կորցրել իրենց աշխատանքըւ, չեն կորցրել առողջությունը, և ում վրա թե առողջապահական թե տնտեսական ճգնաժամերը կունենան մինիմալ հետքեր:
Այս մարդկանց խումբը ակտիվորեն քննադատում է այն բոլոր միջոցառումները, որոնք տարվում են բնակչության ավելի խոցելի հատվածին պաշտպանելու համար` թե առողջապահական թե տնտեսական աղետներից»: