Մայիսի 1-ին Իսրայելի վարչապետ Բենյամին Նեթանյահուն հայտարարել էր, որ Իրանի միջուկային ծրագրի վերաբերյալ հազարավոր փաստաթղթերի պատճեններ են ստացել, որոնք վկայում են, որ Թեհրանը փորձում է միջուկային զենք ձեռք բերել:
Եվ ահա քուվեյթական «Al-Jarida» օրաթերթում հրապարակվել է հոդված, որտեղ տեղեկություններ են հայտնվել այն մասին, որ Իսրայելի վարչապետի հայտարարության մեջ նշված փաստաթղթային արխիվն այդ երկրի հատուկ ծառայությունները ձեռք են բերել՝ օգտագործելով Ադրբեջանական Հանրապետության տարածքը։
Իհարկե, Ադրբեջանի ԱԳՆ խոսնակ Հիքմաթ Հաջիևը երեկ անմիջապես արձագանքել է և հերքել շրջանառվող այդ լուրը, սակայն իրանական մամուլի ամենաթեժ թեմաներից մեկն այս պահին հենց դա է։
Հիշեցնենք, որ առաջին անգամ չէ, որ Ադրբեջանի անունը շոշափվում է իսրայելական հատուկ ծառայությունների՝ հակաիրանական գործողությունների համատեքստում՝ որպես նրանց հիմնական հյուսիսային հենակետ։
Թեժ է լինելու։
