Հայաստանն այն երկիրն է, որը գործնական հարթություն տեղափոխեց տարիներ ի վեր անընդհատ բարձրաձայնվող բազմավեկտոր քաղաքականությունը: Այդ մասին բոլորովին վերջերս վարչապետի մակարդակով ներկայացվեց Դավոսի ֆորումում: Արդյունքում ունեցանք Շվեյցարիայի Ազգային խորհրդի նախագահի և ևես երեք տասնյակ գործարարների այց Հայաստան:
Մյուս կողմից, Հայաստանն այն երկիրն է, որն աշխարհին ներկայանում է ամենամրցակցային երկու ոլորտների՝ ՏՏ և արևային էներգիայի զարգացման մեծ պոտենցիալով:
Այս ամեն չէր կարող անպտուղ մնալ և շվեյցարացիների այցը դեռ սկիզբն է...
Հ.Գ
Շվեյցարացի հյուրերի, այդ թվում՝ Ազգային խորհրդի նախագահ Դոմինիկ դը Բումանի կողմից համաժողովին բարձրաձայնվել է և՛ դավոսյան հանդիպմանը ձեռք բերված պայմանավորվածությունների, և՛ ՏՏ ոլորտում Հայաստանի հետ համագործակցության նկատմամբ ունեցած հետաքրքրության, և՛ Հայաստանի արևային վահանակներ արտադրելու ցանկության մասին:
