Ժիրայր Սեֆիլյանի հետ կատարվածից չեմ զարմացել: Չեմ զարմացել ոչ թե նրա համար, որ մեր երկրում պատժվում են բոլոր նրանք ովքեր փորձ են անում իրենց ազատ խոսքը տարածել, այլ չեմ զարմացել հրամանատար Սեֆիլյանին թևեր տվողների ,,պաստավկա,, անելու վրա:

 

Դեռևս անցած տարի , ֆեյսբուքյան ընկերներիցս մեկի հետ թեժ քննարկում եղավ, և ես մտահոգություն հայտնեցի, որ մարդիկ կարող են Սեֆիլյանին ,,ուղեկցել,, բանտախուց, իսկ իրենք հենց դրա վրա սկսեն աշխատել ու քաղաքական դիվիդենտներ հավաքել: Իրենք անցել են ընդհատակ, իսկ Սեֆիլյանին դարձրել են ճակատ: Ափսոսում եմ, որ մեր ռազմական գործից հասկացող տղերքը դառնում են այլոց լարած թակարդների զոհը, ու փոխանակ իրենց գիտելիքով, փորձով բանակի կողքը լինեն, իրենց կամքից անկախ հայտնվում են դեգերանտների ազդեցության տակ:

 

Ես շատ եմ ափսոսում, որ հրամանատար Սեֆիլյանի նման մարդը նման ճանապարհ է անցնում, նա արժանի էր լավին, ինչը թույլ չտվեցին իր շրջապատում հայտնվածները... Հույս ունեմ, որ հրամանատար Սեֆիլյանին մեր պետությունը կվերաբերվի ինչպես հրամանատարի, ինչպես Արցախյան պատերազմով անցած ռազմիկի...

 


Կիլիկիա Հայաստան