Ադրբեջանում «բնակիչների ցանկությունները հաշվի առնելով» արտաժամկետայինների են տանում բանակ։ Այլ կերպ ասած՝ կիսաքողարկված զորահավաք են անում։
Կառավարությունը հավանություն տվեց Արցախի անկախության ճանաչման վերաբերյալ օրինագծին։
ԱԺ-ում հրավիրվել է արտահերթ նիստ՝ Մայիսի 10-ին, որի ժամանակ էլ ըստ ամենայնի քննարկվելու է ԼՂՀ ճանաչման օրինագիծը։
Պուտինի խոսնակը հերթական անգամ կոչ է անում զերծ մնալ այնպիսի քայլերից, որոնք կարող են վերջ դնել փխրուն հրադադարին (թե ո՞ւր է այնտեղ հրադադար՝ միայն Աստված գիտի, մեկ էլ Պեսկովը)։
Կարծում եմ, որ միջազգային հանրությանը մնացել է առավելագույնը 5 օր ժամանակ՝ Հայաստանին այնպիսի պայմաններ առաջարկելուն, որի պարագայում մենք զերծ կմնանք այս Գորդիան հանգույցը մեկընդմիշտ կտրելուց։
Այս օրերին, եթե համաշխարհային հանրություն կոչվածը չքաշի Ալիևի սանձերը ու չպարտադրի այնպիսի պայմաններ, որոնց պարագայում մենք էլի մի որոշ ժամկետով կհամաձայնենք հետաձգել Արցախյան հիմնախնդրի լուծումը և նստել բանակցությունների սեղանի շուրջ, ապա ամենայն հավանականությամբ արդեն 5 օրից Արցախը կճանչավի։
Ցանկացած պարագայում մենք գիտենք, թե ինչի համար ենք այսպես գործում և ինչ հետևանքներով է հղի Արցախի ճանաչումը։ Եթե հարցի գինը նոր լայնամասշտաբ պատերազմական գործողություններն են, ապա թող այդպես լինի։ Անձամբ ես գիտեմ, որ նույնիսկ ամենավատ պատերազմն ավելի լավ է, քան այսպիսի ծանր բեռը մյուս սերնդի ուսերին թողնելը։ Սա է մեր իրականությունը, այնպես որ՝ դուխո՛վ, վերև՝ Աստված, ներքև՝ մենք։
Կոնստանտին Տեր-Նակալյան
