Հայաստանը շատ է տարբերվում մյուս երկրներից, մեր երկիրը պատերազմական վիճակում է, այսօր առավել քան երբևէ ազգային անվտանգությունը պիտի լինի բարձր մակարդակի։

Ու ենթադրում եմ, որ նաև սրանով է պայմանավորված Վլադիմիր Հակոբյանի նշանակումը, քանի որ ամենատարբեր հանգամանքներում նա կարող է գործել ինչպես թելադրում է ՀՀ պետական ու ազգային շահը։

Ի գիտություն ոմանց նաև ասեմ, որ շատ լավ է, երբ հանրապետության ղեկավարի մամուլի քարտուղարը ԱԱԾ նախկին սպա է ու լավ տիրապետում է օպերատիվ աշխատանքին, իսկ լինել պետության թիվ 1 դեմքի անձնական ներկայացուցիչն ու առհասարակ երկրի պաշտոնական դիրքորոշումն արտահայտող 
մարդը մեղմ ասած խաղ ու պար չէ, այս խառը ժամանակներում։

Սմբատ Ղահրամանյան

Թերևս քչերը գիտեն, թե ինչ կառույց է ԱԱԾ-ն և ինչն է հանդիսանում նրա գերնպատակը։

Մի մոռացեք, որ Սերժ Սարգսյանը եղել է ՀՀ Ազգային անվտանգության պետական վարչության պետ, ՀՀ Ազգային անվտանգության նախարար, ՀՀ Ներքին գործերի և ազգային անվտանգության նախարար և ապա նորից ՀՀ Ազգային անվտանգության նախարար ու գոնե այսքանը պիտի հուշեր ձեզ, որ նախագահը քաջ գիտակցում է ում և ինչ պաշտոնում է նշանակում։

Հուսով եմ, որ նորանշանակ մամուլի խոսնակը կարդարացնի իրեն նաև ԱԱԾ-ում աշխատած տարիների պրոֆեսիոնալ ու նվիրված աշխատանքով և կհամադրի ժուռնալիստիական կրթությունը ազգային անվտանգության ծառայողի սուր աչքի ու հոտառության հետ։