ԻԻՀ Մեջլիսի՝ անվտանգության և պաշտպանության հարցերով հանձնաժողովի նախագահ Մոհամադ Էսմայիլ Քուսարին այսօր հայտարարել է, որ իրենք անպայմանորեն հետամուտ են լինելու Էրդողանի չհավասարակշռված խոսքերին պատասխանելու խնդրին: Նա նշել է, որ Մեջլիսն ԱԳՆ-ի հետ համատեղ հանձնաժողով է ստեղծելու, որպեսզի քննի այդ հարցը՝ փորձելով համոզել ԱԳՆ-ին չեղյալ հայտարարելու Թուրքիայի նախագահի առաջիկա այցը Թեհրան:


Երեկ ԻԻՀ ԱԳՆ-ի մամուլի խոսնակ Մարզիյե Աֆխամը հայտարարել էր, որ Էրդողանի հակաիրանական շեշտադրումներ պարունակող ելույթից հետո Թուրքիայի դեսպանը հրավիրվել է ԱԳՆ՝ պարզաբանումների նպատակով: Ըստ այդմ՝ ԻԻՀ-ը Թուրքիայից ակնկալում է հստակ պատասխան առ այն, թե ինչ տրամաբանությամբ են հնչել նման մտքեր:

 

 

Ռուդիկ Յարալյան