Շունչը կտրվում է կախաղանի պարանի սեղմվելուց, թշնամական մատների օղակից, ջրասույզ լինելուց:

Շունչը կտրվում է օդի պակասից, թունաքիմիկատներով հագեցած մթնոլորտից, պատառը սխալ կուլ տալուց:

Շունչը կտրվում է կամովին, ակամա ուշադրության լարումից:

Շունչը կտրվում է անակնկալից, հուզմունքից, հաճույքից:

Շունչը կտրվում է սրտի անբավարարվածությունից, հարբուխից, թոքերի անաշխատունակությունից:

Շունչը կտրվում է ուժգին ցավից, գանգին նվեր ստացած հարվածից, կարոտալի ակնկալության ակնթարթից:

Շունչը կտրվում է քրքջալուց, հեկեկալուց, շնչարգելությունից:

Շունչը կտրվում է ամուր գրկվելուց, փռշտալու գործընթացի կիսատվածությունից:

Շունչը կտրվում է շատ ուտելուց ու նաև շատ քիչ ուտելուց: Ու նաև մի քանի օր բոլորովին չուտելուց:

Շունչը կտրվում է օղու բաժակը դատարկելու հաջորդ ակնթարթին:

Շունչը կտրվում է կրքոտ համբույրից:

Վերջապես շունչը կտրվում է… վերջնականապես շունչը փչելուց:

Վահագն Արմենյան