Լյուսին և Մարիան զույգ քույրեր են, սակայն, նրանց արտաքինին նայելով, երբեք ոչ մեկի մտքով չի անցնի, որ նրանք քույրեր են: Լյուսին բաց մազերով և բաց մաշկով է, իսկ Մարիան՝ մուգ մաշկով և մուգ մազերով: Քույրերը ծնվել են 1997 թվականի հունվարին Մեծ Բրիտանիայի Գլոստեր քաղաքում: Աղջիկների հայրը սպիտակամորթ է, իսկ մոր արմատները կիսով չափ Ճամայկայից են:
«Ոչ ոք չի հավատում, որ մենք քույրեր ենք, որովհետև ես սպիտակ եմ, իսկ Մարիան՝ սև: Երբ մենք միանման ենք հագնվում, այնուամենայնիվ, քույրիկների նման չենք, առավել ևս՝ զույգերի: Սկզբում մեր նոր ընկերները չեն հավատում, որ մենք զույգեր ենք և խնդրում են մեզ ցույց տալ մեր ծննդյան վկայականները՝ որպես ապացույց». ասել է Լյուսին:
