Կրկին Կասպարովը փայլում է իր համարձակ մտքով: Պուտինի ճակատագիրը ոչնչով չի տարբերվելու աշխարհի մյուս մոլագար բռնակալներից, որոնք անձնական հիվանդ ամբիցիաների պատճառով, դառնում են փորձանք առաջին հերթին սեփական ժողովրդի գլխին: Երբ երկրի վիճակը դառնում է կործանարար, մեծանում է հետևյալ տարբերակներից մեկի հավանականությունը՝ պալատական հեղաշրջում, բռնապետի թունավորում, հանկարծամահ, նախօրոք ախտորոշված դիագնոզներից մեկի արագ զարգացում և այլն...

Մի խոսքով, եթե միլիարդատերերը կորցնում են իրենց ունեցվածքի 60-70 տոկոսը, իսկ ժողովուրդը հասնում է աղքատության դուռը, երեխաներն անգամ սկսում են հասկանալ, որ երկրի գլուխը հինադ է: Ռուսաստանում փտաղտ է սկսվում, նույն բանը տեղի է ունենալու փտաղտի «զոնում» մնացած գաղութներում: Մեզանից է կախված, թե մենք ինչպես դուրս կգանք այս արհավիրքի տակից...

Հ.Գ. Ի միջայլոց մեր դրածո երեք նախագահների ասպարեզից անհետանալն էլ է պայմանավորված նման մտահոգություններով: Միայն իրենք լավ գիտեն իրենց գործած հանցանքների ծանրությունը, որոնց թելերը տանում են Կրեմլ: Այնպես, որ նման խառը իրավիճակներում տերերը նաև սկսում են «մաքրել» օգտագործված գործիքների հետքերը...

Արմեն Զատիկյան