Անկեղծ հարգանքով արձագանքեմ ֆեյսբուքյան իմ որոշ ընկերների քննադատություններին:


Վերջին օրերին ֆեյսբուքի մի շարք օգտատերեր իրենց կարծիքներն են հայտնում դեկտեմբերի 10-ին Օմբուդսմենի կլոր սեղանի և տնտեսական իրավունքների համաժողովի մասին:


Շնորհակալ եմ այդ օրվա մեր միջոցառումները և դրանցում արված դիտարկումները ուշադրության կենտրոնում պահելու համար:


Թե´ դեկտեմբերի 10-ին և թե´ տարվա մյուս բոլոր օրերին մեր քննադատություններն ու դրական գնահատականները ինքնանպատակ չեն, դրանք չեն բխում անձնական մղումներից:


Իմ բոլոր գործողությունների նպատակն է ավելին ստանալ պետական մարմիններից՝ մարդկանց իրավունքների պաշտպանության համար: Երբեմն լավն ընդգծելով՝ ստանում ենք ավելին այդ նույն մարմնից: Մի մարմնում դրականը ցույց տալով՝ մյուս գերատեսչություններին դրդում ենք ձգտել բարեփոխման:


Մեկ այլ խնդրի մասին... Տնտեսական իրավունքների համաժողովի ընթացքում իմ հնչեցրած այն միտքը, որ Թուրքիան և Ադրբեջանը մեղավոր են Հայաստանի տնտեսական իրավունքներն ոտնահարելու համար, միակը չէր: Ես, իմ տեղակալը և մեր հյուրերը անդրադարձել ենք ներքին բազմաթիվ խնդիրների, որոնք ևս շատ բացասաբար են ազդում մեր տնտեսության վրա:


Ամփոփելով նշեմ որ, քանի դեռ ես անում եմ այս աշխատանքը, իմ նպատակն է լինելու հնարավոր բոլոր միջոցներով հասնել իմ դիմումատուների իրավունքների առավելագույն պաշտպանությանը:

 

 

Կարեն Անդրեասյան