Հեռու-հեռու, բարձր-բարձր ինչ որ տեղում, փափուկ ամպերից, կապույտ երկնքներից այն կողմ, իր հողերով փռված է մի արևոտ չքնաղ կղզի: Ապրում է այդ կղզու վրա, իր ձյունափայլ պալատում սպիտակ Կարապը: Նա հասարակ Կարապ չէ, այլ կախարդական: Բոլոր նրանց, ով այցելում է այդ կղզի, նա երջանկություն է ընծայում: Փառքն այդ Կարապի մասին երկրե երկիր է անցնում և հույսով լցնում դժբախտ մարդկանց սրտերը:
Լսեց մի անգամ Կարապի մասին մի Ծերունի, ով ապրում էր բարձր արևոտ բլուրներից այն կողմ: Որոշեց նա Կարապից երջանկություն խնդրել:

 

 


Եկավ Ծերունին կղզի: Իսկ ձյունափայլ պալատից, չքնաղ պալատից, նրան ընդառաջ սպիտակ Կարապը դուրս թռչեց: Մոտեցավ նա Ծերունուն, նայեց նրա աչքերի մեջ ու զարմացավ:
- Երջանկություն տուր ինձ, - անմիջապես ասաց Կարապին Ծերունին:
Իսկ Կարապը միայն հնազանդորեն թևերը ծալեց և ի պատասխան գլուխը բացասաբար շարժեց, կարծես ասելով՝ "Չեմ տա քեզ երջանկություն, Ծերուկ":
Բարկացավ Ծերունին: Ոտքը գետին խփեց: Գոռաց՝
- Երջանկություն եմ ուզում: Տուր ինձ այն:

 


Նայեց տաղտկալից հայացքով սպիտակ Կարապը Ծերունուն, և ասաց՝
- Երջանկությունը ծերունիներին չի տրվում:
- Ինչպե՞ս թե չի տրվում, - բացականչեց Ծերունին: - Էլ ու՞մ պետք է տրվի եթե ոչ իր կյանքն արդեն ապրած ծերունուն:
- Դե հենց այդ պատճառով էլ չի տտրվում, որ կյանքն արդեն ապրված է, Ծերուկ, - պատասխանեց սպիտակ Կարապը: - Քո երջանկությունը Դու արդդեն ստացել ես, դրանից ավելին քեզ անհրաժեշտ չէ:
- Դու ոչինչ էլ չես հասկանում, հիմար թռչուն, - մոլեգնած գոռում էր Ծերունին: - Ես կարող է իմ կյանքի ընթացքում ընդհանրապես երջանկություն չեմ տեսել: Միայն դժբախտությունն է իմ հետևից կրնկակաոխ քայլել: Դժբախտությունից ու վշտից բացի իմ կյանքում ոչինչ չեմ տեսել:

 

 


- Լավ, - վերջապես համաձայնվեց սպիտակ Կարապը: - Կընծայեմ ես քե երջանկություն, և այնպիսին, որ կյանքումդ չես հանդիպել: Կնվիրեմ ես քեզ երկրորդ կյանք: Եվ այդ երկրորդ կյանքը կլինի նույնպիսին ինչպիսին առաջինն էր, միայն այն տարբերությամբ, որդժբախտություններն ու վշտերդ երջանկության կվերածվեն, իսկ երջանկությունդ նախկին, ինչը դու չէիր ունեցել՝ դժբախտության: Եթե իրոք Քո կյանքը այդքան տխուր ու ծանր է եղել, ինչպես Դու ասում ես, ապա այն կլցվի երջանկությամբ:
Ուրախացավ Ծերունին: Տուն վերադարձավ: Սկսեց իրեն նվիրված երկրորդ կյանքով ապրել: Իսկ երբ երկրորդ կյանքի ժամկետն էլ լրացավ, նորից եկավ սպիտակ Կարապի մոտ:
- Խաբեցիր Դու ինձ, նզովյալ, - գոռաց նրա վրա Ծերունին: - Ոչ մի երջանկություն էլ ես այդպես էէլ չտեսա: Միայն դժբախտություններ ու փորձանքներ էին լցվում իմ դժբախտ գլխին:

 

 


Տաղտկալի հայացքով նայեց միայն Ծերունու վրա սպիտակ Կարապը և պատասխանեց՝
- Զգուշացրել էի ես քեզ Ծերուկ, այն մասին, որ քո նախկին դժբախտությունները, երջանկության կվերածվեն, իսկ նախկին երջանկությունները՝ դժբախտությունների: Այնպես որ մի մեղադրի:
Մտածեց Ծերունին: Քորեց իր հիմար գլուխը և հանկարծ հասկացավ, որ իր առաջին կյանքը, պարզվում է երջանկությունով լեցուն է եղել, իսկ նա դա նույնիսկ չի էլ նկատել:
- Այ թե հիմարն եմ ես, - ինքն իրեն մեղադրեց Ծերունին: - Պետք էր որ ես, հիմարս երկրորդ կյանքն ապրեի, որպեսզի հասկանայի, որ առաջին կյանքս երջանիկ է եղել:
Այդպես էլ մահացավ Ծերունին երջանկությունը չնկատելով, և բավականաչափ դժբախտություն և վիշտ ապրելով:
Ավա Արդոյից

Կլոդ Վերլինդ "Խրտվիլակները"

 

 

 

Օրվա առակը՝ Սպիտակ Կարապը - 19 սեպտեմբերի #madatyan
www.psyhelp.am և www.psyarmenia.com -ից

 

 

Միհրդատ Ռոստոմի Մադաթյան