Գուցե կատեգորիկ է հնչում, նույնիսկ էմոցիոնալ, այնուամենայնիվ, այս երկրից պետք է վտարել բոլոր օլիգարխներին:
Այս մարդիկ լուրջ սպառնալիք են, ու նրանց գոյությունը բարոյալքում է ոչ միայն հասարակության համակեցության կանոնները, այլև քարուքանդ է անում հասարակական հարաբերությունները կարգավորող գրված ու չգրված բոլոր օրենքները…
Այս մարդիկ աստիճանաբար հայտ են ներկայացնում տնօրինելու ամեն ինչ, ին-որ հնարավոր է, այս մարդիկ ՛՛պետություն՛՛ են պետության մեջ և ձեռնոց են նետել բոլորիս՝ վտանգի տակ դնելով ապագայի մեր հեռանկարը, հույսը…
Հիմա արդեն էական էլ չէ, թե ով է մեղավոր. Թե կուզեք, մենք ինքներս ենք այս ամենի միակ մեղավորը՝ մեր հանդուրժողականությամբ, հարմարվողականությամբ, մենք ինքներս թույլ տվեցինք, որ ամեն մի մականունավոր կիսագրետ դառնար օլիգարխ ու դառնար մեր գլխին քյոխվա…
Այսպես շարունակել չի կարելի…